Internal Welfare

Services

「好凍好凍」

喺寒冷嘅天氣就等Valeris為你注入溫暖！當朝早天文台顯示低過13度，Valeris就會喺校門派發暖包（派完即止）

「幾時放假？幾時考試？」

Valeris將會提供學校同DSE嘅online calendar，方便同學隨時查閱！

「逐次買筆又煩又貴？」

有Valeris 嘅文具訂購服務，就可以平靚正咁買晒嚟緊成年所需嘅文具！

「有意見可以點樣反映？」

Valeris會設立Google form同NGL，隨時俾同學發表意見

我哋虛心納諫，一定會認真考慮同學嘅意見！

「大好青春就要多貪」

喺F6 last day有Valeris幫你安排打咔位，捉緊青春嘅尾巴！

「天氣不似預期」

只要放低$20按金同留低個人資料，就可以借遮！有Valeris提供借遮服務，以後無論日曬雨淋都唔怕！

「下堂咩堂？幾時lunchtime？」

就算學期尾都未記得個上堂timetable都唔緊要，只要將Valeris 為你準備迷你時間表放喺筆袋就可以準時上啱堂！

「又要揹成個locker啲嘢返去，冇位擺點算好？」

考試前清locker永遠都係對書包容量嘅考驗，不過如果唔夠位擺嘅話，都可以向Valeris索取紙盒或袋，咁就唔怕行行下跌晒啲書落地下（派完即止）

「Last day 先嚟冇帶筆…」

Valeris會準備定水筆，即本喺校服寫低祝福語俾身邊重要嘅人！

Valeris知道大家都好珍惜每一次可以同朋友影相嘅時光，尤其係喺普天同慶嘅日子更加趁住歡樂嘅氣氛留念，有見及此，我哋會爭取喺Christmas Party、Sports Day同Graduation Day延長活動拍照時間，令同學可以有多啲時間紀錄每一個時刻

Valeris知道潮濕嘅天氣令學校牆壁、梯間都有積水出現，而樓梯嘅積水問題更增加同學滑倒受傷嘅風險，所以我哋會爭取於樓梯簡增設抽濕機，以保障同學嘅安全

上年實行嘅小賣部季節性減價反應熱烈，有見及此，Valeris今年會爭取維持此政策，希望同學唔會因價錢因素而對自己嘅心儀產品卻步

Valeris知道高中同學往往備戰DSE都需要好多題目嘅操練去鞏固知識，因此會爭取增設高中Past paper google drive，熟習更多題型變化，方便溫習之用

Valeris深知同學對飲水機嘅品質有一定顧慮，尤其喺越嚟越重視健康嘅環境底下，我哋會爭取更換新飲水機，令健康受保障，亦令同學對食水更有信心

部分廁所門鎖已損壞，除咗會令同學私隱不被保障，仲會因爲同學唔敢去某幾格嘅廁所而導致排隊時長增加，因此Valeris會爭取更換部分廁所已損壞嘅門鎖，以保障同學私隱，並改善排隊長嘅狀況

Valeris明白同學有時行晒整條走廊都搵唔到垃圾桶所以要去其他樓層，甚至有機會因爲搵唔到而放置喺一啲唔應該放置嘅地方。所以，Valeris期望可以喺午飯時段增設走廊垃圾桶數量，確保每層都有垃圾桶，以便利同學